Nikolaus - Service - München

Ihr Nikolaus / Weihnachtsmann für München und Umgebung

Des is de damische G`schicht vom letzten bayrischen Niggolo..

 

Jeder kennt an Niggolo - nur als braven heil`gen Mo,

der seit ur - und grauen Zeiten - sich vom Ruprecht lässt begleiten

um mit vielen schönen Sachen - braven Kindern Freud zu machen.

 

Olle Jahr werd drüber gredt - doch obs`n gfreid des woas ma ned.

I hab`n gfragt, den guadn Mo - und er verzählt de G`schicht a so:

 

Kaum werdn de Dog wieda kirzer - und de Nächt no vui schwirzer

plärrt der Chef scho ummananda - "Richts eich zsamma, auf geht`s Manda

Packts eier Graffe auf`n Schlin - mir han scho im Dezember drin!

 

Heir muaß der Ruprecht schiam - weil ma koane Engerl kriag`n

De werdn eigspart is des klar - de werd`n sche langsam Mangelwar!

 

Sooo, liabe Leid gehts da drob`n zua - I hätt ja liaba a mei Ruah

Aber gega unsern Herrn - duast besser ned aufbegehr`n

 

Oiso Ruprecht sag i kimm - hock ma uns hoit auffe aufn Schlin

fahr mer owe auf de Erd - bi gspannt was für a weda werd

Wahrscheinlich lasst er`s schneib`n , der oid - oder es gfriert und is saukoit

und mir zwoa gehn von Haus zu Haus - da jagt ma doch koan Hund net naus!

 

So dischkriern der Knecht und i - und scho gehts mit uns zwoa dahi

Lang is de Fahrt, uns werds scho koit - da land ma endlich in am Woid

Denn: "Drauß vom Walde kimm i her - hoaßts a so in a oidn Mär.

 

Gfrorn hats uns glei ois wia de Schneida - "Los" sag i "Ruprecht geh glei weida

du schiabst o und i dua ziang - daß ma warme Hax`n kriang!"

 

Nach zehn Medda sappradsi - haut`s uns scho auf`d Lätschn hi

Kruzitürkn sogt mei Knecht - "da moan i, gehts uns heid no schlecht"

 

De Baggln flagga drin im Schnee - am Ruprecht duat sei Kniascheibn weh

Wia a Russ kannt i glei fluacha - jetz muaß i mei Gebiß no suacha

Entgeistert hat der Ruppe gschaut - !Ja" sag i "des hats ma außaghaut"

 

Von mir aus is de Gschicht wias is - jetzt schnupf ma erst amaoi a Bries

dann zünd ma uns no oane o - z`spat kemme dern ma sowieso.

 

Wia ma nachad fertig warn - samma wieda weitergfahrn

Gschwitzt hamma, daß grod so dampft - doch eisern samma weidagstampft

"Du Ruprecht", sag i "denk amoi" - "was sagertst Du in diesem Foi

wenn ma jetz a Wirtshaus fanden - und uns a bisserl auftaun kanntn

Wo ma se gmiatlich einehockt - und a Brotzeit obidruckt

 

Dazua zwoa, drei hoibe Bier - und de Kellnerin auf de Knia

damits oam warm werd glei vo unt - und ma a bisserl Freid ham kunnt?

 

"Naa" sagt der Ruprecht. "Nix is drin - so was schlag der glei amoi aus`m Sinn

Da werd da Himmevadda fad - und jetz kimm, es is eh scho spat!"

Glei han ma bei der ersten Kundschaft - horch du amoi, ob da a Hund schlaft

 

Kaum is des Gespräch vorbei - duats an fürchterlichen Schrei

Heimlich, staad und ganz ganz leise - oiso auf hundsgemeine Weise

is der Hofhund scho ausgrissn - und hod mi in des Teil neibissn

des zum sitzen is gedacht - und mei Begleiter, der had glacht

"Mensch" schrei i, "Pass doch auf" - und hau dem Hund de Kettn nauf

Jetzad bin i schee beinand - mit meim zrissna Nikolaus Gwand

muaß mit der Hand des Loch zuadecka - daß mi de Kinda ned derblecka

 

Doch mia dan ned lang mer rum - und genga eine jetz in Stub`n

Da hockt der Sepperl auf am Stui - scheinbar hod er koa guats Gfui

und D´Lies, sei Schwester, de schaugt drei - ois schlogat grad der Blitz herei

D´Red hast eahna fast verschlogn - i geh drauf zua und mechts was frogn

da fangt der Sepperl s`woana o - "i bin scho brav Herr Niggolo!

I dua mei Schwester nimma hunz`n

und gwiss nimma ins Bett nei brunz`n

Zur oma nie mehr Rindviech sogn - und meine Spezln nimma schlogn"

 

"Ja" schuchzt as Lieserl, "des is gwieß - das i mei Supp`n oiwei iss

i wasch ma oamoi in der Woch de Haxn - mach in der Kirch drin koane Fax`n

wui allawei um`d Milli geh - drum duats uns nix, mir bitt`n schee"

 

Bei so vui Reu, verstehst mi scho - da kimmt ma as schimpfn a hart o

"Oiso" sag i "is scho recht" - wei i ja wieda weida mecht

"da hamma eich was mitgebrunga - aba zerscht werd fei no ebbas gsunga

Und nachad geht`s schee brav in s Bett - i dads a, doch derf i ned

 

"Da" sagt d`Frau Muatta, "und an schena Dank" - und druckt zwoafuffzge uns in`d Hand

Dann samma weiter auf da Roas - boid drauf passierts und koana woaß

I hör an Ruprecht leise sag`n -"Mia miaßd ma uns verlaffa ham!"

"Geh" moan i, "dua ned fantasiern - des ko uns zwoa doch ned passiern!

Da !! in dem Haus da vorn is hell - der werd jetz gfragt, glei auf der Stell!"

 

"Mei" sagt der Ruppi, "Herrschaftszeitn - des is ja beim Wimmerwirt drobn auf der Leit`n

Da samma auf`m foischen Gleis - kimm, drah ma um, mach koane Meis!"

"Na" sag i darauf, "jetz is ma wurscht - i hab an Hunga und an Durscht

Mir frag`n ob`s was Z`Essen ham - und sitz ma uns a bisserl zsamm"

 

I woaß no, wia ma nei ins Haus.... - von do weg laßs Gedächtnis aus

Uns hams nach mehrere paar Stunden - bsuffa in am Gragn drin gfundn

De Stern nach war`s scho ziemlich spat - um uns herum hod se ois draht

Der Schlittn war hi, des kennts eich denga - und, was vui schlimer war, de ganzn Gschenke!

Voller Schnee, mei ganzer Bart - und`s aufsteh foid ma so vui hart

Der Ruppi, der war unterm Schlittn - und hod mei Mützn ganz derspiebn

Kurz - unser Zuastand war beschissen - da hamma ois na hingeschmissen

 

Hoamwärts hamma uns ned traut - de hättn uns gwiß glei außighaut

Ja, was fang ma denn jetz o? - Da sagt der Ruprecht "Liaba Mo

dua ned glei in`d Hos`n scheißn - mia wechseln üba zu de Breiß`n

De dean ja eh an Niggolo net kenna - do gibts eh bloß lauer Weihnachtsmänner

 

 

 

 

 

 

 

 

 

 

 

 

 

September 2017
Mo
Di
Mi
Do
Fr
Sa
So
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 
 
 
 
 
 
 
 

Besucher

Seitenaufrufe

Das besondere

Geschenk

 

Erinnerungen sind das

Elixir unseres Lebens...

 

Daher möchten wir Ihnen

eine besondere Geschenkidee

nahebringen:

Bestellen Sie Ihr persönliches

"Goldene Buch"

bei uns, welches Ihre Kinder

ein Leben lang begleiten wird.

 

Tragen Sie in dieses Buch die

guten und weniger guten

Eigenschaften Ihres Kindes

ein, über die sich der

Nikolaus mit Ihren Kindern

unterhalten soll.

Zu jedem Jahr können sie die

Fotos vom Nikolausauftritt

einkleben.

 

So erhalten Sie im Laufe der

Jahre ein wunderschönes

Buch mit vielen Erinnerungen

an die Kindheit Ihrer

Liebsten.

 

Das Buch ist später ein

wunderschönes Geschenk

zum 18. Geburtstag oder

gar zur Hochzeit Ihres

Kindes.

 

Informationen oder Fragen

beantworten wir Ihnen

gerne am Telefon oder per

Mail.